Deputeti i PD Ervin Salianji shprehet takimet e ish-kryeministrit Sali Berisha me demokratët pas shpalljes “non grata” nga SHBA dhe përjashtimit nga grupi parlamentar, janë një shfryrje pas traumës.
Në “Abc News”, Salianji tha se debatet konstruktive brenda PD e ndihmojnë partinë, por kur sulmet bëhen personale e dëmtojnë selinë blu.
“Nuk do ta quaja ndarje, flitet, diskutohet dhe dalin ide. Po merrem me fjalën, “Foltore” që do të thotë që diskutohet, që mblidhen demokratë, që janë të shqetësuar, nuk është se PD është në një situatë, nuk është sekret që PD është në gjendje traumatike, qoftë për shkak të humbjes apo vendimmarrjes së DASH-it. Gjithçka që mund të flitet dhe diskutohet brenda kontureve nuk i bëjnë dëm PD-së, deri në momentin që kalohet në sulme personale apo goditje nën brez që nuk besoj që i bëjnë mirë PD-së. Çdo lloj mbledhje i bën mirë PD-së, tregon që ka temp dhe që të reflektojë. Diskutimi në këtë formë nuk është i shëndetshëm, por duke marrë parasysh sentimentet, traumën e shkaktuar, në këto momente mund të shërbejë dhe për mua shërben si një moment si shfryhet brenda partisë” deklaroi Salianji./ Opinion.al
