Takim Meta-Basha?! Çfarë pritet të ndodhë para takimit me Ramën

Është ende e pakonfimuar por mësohet se përpara se të takojë kryeministrin Rama sot në orën 10.00 ku do të varet edhe fati i koalicionit, kryeparlamentari Meta do të takojë edhe kryetarin e Partisë Demokratike Lulzim Basha. Ndërkohë që ky takim mund të zhvillohet edhe pas takimit të Metës me Ramën, i cili do të zhvillohet sot në orën 10.00 në Hotel Tirana, ku Kryeministri Rama do të jetë i shoqëruar nga kreu i Grupit Parlamentar të PS­së, Gramoz Ruçi, ndërkohë që kryeparlamentari Meta në takim do të shoqërohet nga zv/kryetari i LSI­së, Petrit Vasili. Takimi mes Ramës e Metës vjen dy ditë pasi kreu i PS­së i kujtoi partnerit kryesor të tij në koalicion se e majta ka humbur vetëm kur ka qenë e përçarë. Optimist për vazhdimin e këtij bashkëpunimi politik ka qenë edhe kreu i LSI­së Meta, kur deklaroi se me Partinë Socialiste arritën të fitojnë edhe kur KQZ­ja ishte në duart e Berishës. Por gjetja e një marrëveshjeje per të futur opozitën në zgjedhje, pritet të jetë një pikë e pazgjidhur mes palëve edhe sot kur kanë mbetur 4 ditë afat nga regjistrimi i koalicioneve në KQZ.