TIRANË- Ministri i Brendshëm Saimir Tahiri ka deklaruar se ekspertiza ka vertetuar se zjarri ishte aksident në Laboratorin e Kriminalistikës, ndaj PD duhet ti kërkojë falje. Përmes një statusi në Facebook ai shpërndan lajmin e bërë nga Top-Channel duke vertetuar lajmin e tyre dhe duke e komentuar si më poshtë:
“Tani që ekspertiza thote se zjarri ishte aksident nga rrjeti elektrik, do kërkojë falje PD për 10 konferencat me akuza kundër meje për zjarrvenie të qëllimshme?”
Sakaq materialit që publikon TCH mësojnë se “zjarri në laboratorin e Kriminalistikës është shkaktuar nga dy llamba luminishente të prodhimit kinez, që kanë burim nxehtësie përtej standardit të 70 gradëve”. Kështu kanë konkluduar ekspertët e prokurorisë. Gjithashtu ata thonë se në dyshemenë e korridorit të laboratorit u konstatuan mbetje të materialit të djegur, që ishte lëndë narkotike, si dhe mbeturinat e ndriçuesve të rrëzuar.
Ekspertët nuk përcaktojnë se, sa është sasia e lëndës narkotike e djegur që gjendej në laborator si provë materiale. Më herët në media është shkruar se janë dëmtimuar provat për 20 dosje. Prej tyre 12 janë mostra të drogës së kapur por që s’kanë pasur autorë. Ndërsa për 8 të tjera ka pasur autorë që rrezikohet të dalin të pafajshëm.
*Statusi ne FB i ministrit te Brendshem
