Ambasadori i Bashkimit Europian në Tiranë ka komentuar vendimin e djeshëm të Gjykatës së Krimeve të Rënda ndaj ish-ministrit të Brendshëm Saimir Tahiri.
Soreca tha se do të shikonte dosjen përpara se të fliste mbi të. Ai është një nga mbështetësit më të mëdhenj të reformës në drejtësi dhe ka theksuar pothuajse në çdo opinion të tijin mbi situatën në vend se çuarja përpara e reformës është thelbësore.
“Si ish prokuror, nuk mund te komentoj pa lexuar dosjen. Më lejoni të lexoj një herë vendimin dhe pastaj do flas” tha ai.
Dënimi i Tahirit për shpërdorim detyre ngriti shumë pikëpyetje në rrethin e juristëve pasi ky krim nuk është në kompetencat e Gjykatës së Krimeve të Rënda.
Tahiri tha pas marrjes së vendimit se do të apelojë vendimin. /Opinion.al
