Në prezantimin e ambienteve të reja të repartit RENEA, gazetarët e pyetën Ministrin Tahiri për dy çështje të rëndësishme. E para ka të bëjë me Byronë Kombëtare të Hetimit, draftin për ngritjen e së cilës qeveria nuk e ka dërguar ende në parlament dhe e dyta me kritikat që kryeprokurori Adriatik LLalla po lëshon ndaj policisë shkencore, si pengësë për hetimet e disa ngjarjeve kriminale. Për të dy rastet Ministri Tahiri refuzoi të përgjigjet.
Gazetarja: Z. Ministër përditë e më shumë po flitet për Byronë Kombëtare të Hetimit, çfarë ka ndryshuar në këtë draft nga varianti i parë që u rrëzua nga Gjykata Kushtetuese dhe nga do varet kjo Byro?
Ministri Tahiri: Unë besoj që shteti shqiptar i ka një borxh shumë të madh forcave RENEA, të cilat kanë kryer misione me rrezikshmëri shumë të lartë, janë krenaria e policisë shqiptare. Kanë bërë krenarë shumë shqiptar me misionet që ata kanë kryer dhe krijimi i këtij Reparti të ri kaq modern kthen disi borxhin që kemi ndaj kësaj force elitë.
Gazetari: Ç’mund të thoni në lidhje me deklaratën e Kryeprokurorit Llalla për Policinë Shkencore dhe çfarë do të ndryshojë.
Ministri Tahiri: Unë besoj se jemi të gjithë shumë të lumtur me këtë investim kaq të madh në Repartin RENEA dhe nuk ka asnjë dyshim që kushdo që ka një rol specifik në ndjekjen penale përfshirë këtu edhe Prokurorinë, do të jenë pa asnjë dyshim pjesë e krenarisë tonë për repartin modern që po krijojmë për RENEA-n.
Gazetari: Për Byronë Kombëtare të Hetimit ku ndaheni me ministrin Manjani?
Ministri Tahiri: Ndaheni mendjen: unë do përgjigjem për një gjë kaq të rëndësishme sa ç’është modernizimi i mjediseve ku do të rrijë e do të stërvitet Reparti Special i RENEA. Nuk më shpërqendroni dot me pyetje të tjera sepse kjo është shumë e rëndësishme.
Lapsi.al
