“Kemi të dhëna se aktualisht Rama dhe Tahiri po bëjnë një marrëvëshje me njëri-tjetrin. Tahiri ka fakte, përgjime, dokumente dhe filmime për përfshirjen direkte të Ramës në marrëdhënien me bandat mafioze”. Kështu deklaroi sot Lulzim Basha në një deklaratë për mediat sot nga selia e PD-së.
Sipas tij, të gjitha operacionet e suksesshme anti-mafia janë zhvilluar nga partnerët ndërkombëtarë.
“Kjo është e vërteta për operacionin e mbrëmshëm në Vlorë, por dhe për Xibrakën. Edi Rama është i interesuar drejtpërdrejt për mbrojtjen e tyre. Prej më shumë se 2 vitesh, PD ka denoncuar përfshirjen e familjarëve të Edi Ramës sepse faktohet se lëvizin me të njëjtat makina që lëviznin kriminelë. Rama ka heshtur. Rama dhe Tahiri po përpunojnë një marrëveshje me njeri-tjetrin. Tahiri disponon fakte, përgjime, filmime për përfshirjen direkte të Edi Ramës me banda. Të dy duan të shpëtojnë dhe të vazhdojnë të menaxhojnë miliona euro. As arrestimi i Tahirit, as procedimi, nuk kanë sukses pa ikur Edi Rama”, deklaroi Basha.
