TIRANE- Saimir Tahiri duke folur për zgjedhjet në Partinë Socialiste dhe konkretisht për akuzat e Blushit se nuk po lejohen zgjedhjet në parti, tha se “statuti i PS nuk është i vdekur një herë e përgjithmonë, mund të pësojë ndryshime”.
Tahiri: “Nuk është e vertetë se s’ka zgjedhje ne parti. Ne këtë fundjavë nisim zgjedhjet për delegatë në Kongres. Pra anëtarësia voton për përfaqësuesit në Kongres.
Cani: Zgjedhje për kryetar a do të ketë?
Tahiri: “Nëse dikush në Kongres do të kërkojë të ketë zgjedhje, do veprohet sipas procedurës. Por mendimi im është se në kushtet kur fiton zgjedhjet e pergjithshme dhe e ke kryetarin kryeministër, nuk ka nevojë të ketë zgjedhje ne parti. Edi Rama duhet të jetë kryetar partie për sa kohë ka fituar zgjedhjet elektorale, dhe kur të humbasë zgjedhjet do japë dorëheqjen nga Kryetar i Partisë Socialiste.
