Deputeti i PDIU, Dashamir Tahiri por që tashm1ë është pjesë e grupit demokrat sqaroi pozicionin e tij një ditë pasi prokuroria kërkoi ti hiqet mandati i deputetit pasi nuk ka deklaruar se ka qenë i dënuar në Itali. Në një komunikim për mediat nga selia e Kuvendit, Tahiri tha se veprimi i prokurorisë bëhet për balancë politike. Meqënëse prokuroria ka gjetur dy politikan1ë të tjerë të PS dhe LSI në shkelje ka futur edhe Tahirin nga PD-ja. Ai këmbënguli se nuk e kishte deklaruar në formular dënimin e marrë në vitin 2009 në Itali pasi vendimi është marrë në mungesë, pra nuk ka patur dijeni.
Dashamir Tahiri në konferencë për mediat
Atëherë bëhet fjalë për dy raste. Pë patentë false dhe asaj tjetrës për lek false. Unë kam qenë si vizitor në Itali kam marrë një lëng portokalli 10 lireta (5 euro). Ka ardhur policia ka mbajtur procesverbal, ka qenë një që e momentit që është sqaruar. Unë për këtë nuk jam dënuar. Ndërsa rasti i dytë ka qenë për patentë. Si gjithë shqiptarët edhe unë… Policia i kishte me sy të keq shqiptarët dhe më ka proceduar në 2004 për patentë false. Ndërsa dënimi është dhënë në 2009 por unë s’kam qenë në dijeni deri kur më thirri prokuroria shqiptare dhe më tha se të ka kapur ligji i dekriminalizimit.
Pyetje: A mendoni se heqja e mandatit tuaj kërkohet për balancë politike?
Me këto që po shohim po. Se unë i kam thënë edhe prokurorisë s’kam qenë në dijeni se jam dënuar. Le të zbardhen edhe udhëtimet, se unë kam qenë disa herë në Itali këto vite dhe s’më ka ndaluar njeri. Nuk e shikoj të arsyeshme për tu ndërprerë mandati për një dënim absurd. Ndaj mund të them se kjo që bëhet për balancë politike….
Pyetje: Ju me cilën parti jeni? Je i PDIU apo i PD-së?
Unë jam deputet i çamëve, jam zgjedhur nga ky komunitet. Jam zgjedhur nën siglën e PDIU, por jam pjesë e grupit parlamentar të PD-së.
