Duket se nuk është dorëzuar ish-ministri Saimir Tahiri, ndonëse 2017 e përballi me situate që ndoshta as nuk I kishte imagjinuar. Teksa e pamë tëpërballej me akuza tepër të rënda e madje edhe me një urdhër për arrestimin e tij, duket se Tahiri tashmë e ka marrë veten, ndonëse e vërteta e tij ende nuk është zbardhur plotësisht.
Është rikthyer së fundi edhe në rrjetet sociale, ku përmes një kartoline gri, ndoshta ashtu si shumë nga ditët e fundit të 2017, Tahiri e konsideron një mundësi më shumë çdo ditë të vështirë të vitit që shkoi.
“Ka ende shumë rrugë përpara” shkruan ai, duke mos na lënë të kuptojmë qartë për çfarë e ka fjalën. Nuk besojmë se kjo lidhet me karrierën e tij politike, që për hir të së vërtetës duhet pranuar që tashmë premton pak. / Opinion.al (M.B.)
