Saimir Tahiri duke iu përgjigjur interesimit të gazetarëve tha se “nga Partia Socialiste nuk më përshton dot njeri pasi me këtë parti më lidhin disa vlera”. Në këtë mënyrë ai është kundërvënë kryetarit të tij Edi Rama i cili deklaroi dje se Saimir Tahiri do të jetë deputet i lirë jashtë grupit dhe jashtë forumeve të PS-së.
Tahiri për prokurorët: “Unë do të rri tek dera e prokurorisë së Krimeve të Rënda të më hetojnë. Por në burg nuk futem, vijoi Tahiri
Pyetje përgjigje me gazetarët
Nesër votohet për imunitetin tuaj në Parlament?
Jam i gatshëm të hetohem siç e thashë edhe më lartë, nuk i kërkoj nder askujt.
Mua me Partinë Socialiste më bashkon sot dhe nesër vetëm e vërteta dhe përpjekja jonë e përbashket për ta bëre këtë vend më të mirë. Nuk më ka bashkuar me PS as qellimi të mbronim njeri tjetrin dhe as korridoret politike.
As nuk dua te me mbrojne nese une do shkel mbi ligjin. Mos gërmoni aty ku nuk do gjeni gjë. As nuk kam kërkuar mbrojtje as nuk do i jepja mbrojtje askujt që do përballet me drejtesinë.
Nuk dua mbrojtje falas nga askush. Nuk dua te dal si njeriu qe hajde se po ia falim dhe kësaj rradhe. Dua të përballem me të gjithë me kokën lartë. Nuk dua mbrojtje dhe jam gati të përballem me çdo pasojë.
Nese ka nje person i cili mendon se këto nuk janë të vërteta dhe do qe te shkoj ne burg le te votoj dhe unëdo perballem edhe me këte.
Po largimi nga grupi i PS?
Nuk kam asnjë koment nuk e quaj as surprize është normale që PS të mbaj një qëndrim ndaj meje. Unë e kam betejën me të vërtetën time. Mua me PS më bashkojnë ca vlera nga të cilat nuk më përjashton dot njeri.
Berisha ka folur per pasurine tuaj, syzet e shtrenjta?
Mund te interesoheni edhe për këte por të jeni te bindur që në pasurinë time nuk kushton asgjë sa thotë Saliu, e keni shumë të thjeshtë ta verifikoni.
Nuk dua ta shihni si përallë e as si interes ta beni lajmin me te madh këtë situatën time. E di që bini ne gracke pavarësisht se e vërteta është ndryshe. Ky dokument verifikon se Prokuroria e Katanjas për katë vite hetime nuk ka gjetur kurrë motiv të më arrestojë mua, si mundet që Prokuroria shqiptare ta bëje këte për 48 orë.
Jam i hapur për çdo hetim do rri te dera e Prokurorisë së Krimeve të Rënda deri sa të më hetojnë për mua. Ç’a është kjo futu njëherë në burg pastaj të hetojmë për ty? Çdo bandë ngjan amatore para asaj që është në politikë.
.
