Saimir Tahiri është paraqitur sot në Prokurorinë e Krimeve të Rënda, pasi është thirrur për të dhënë një deklaratë në lidhje me hetimet që po bëhen për Shullazin. Pas tij pritet të shkojë edhe ministrja e Arsimit, Lindita Nikolla. Javën e kaluar është marrë në pyetje edhe kreu i policisë së Tiranës Ervin Hodo.
Ministrja Nikolla dhe ish-ministri Tahiri pyeten nëse kanë patur dijeni për këcënimet ndaj rektorit të UT-së, Mynyr Koni dhe ish-rektorit Dhori Kule. Prokuroria ka dyshime të forta se Emiljano Shullazi ka kërcënuar Konin të terhiqet nga gara, për ti hapur rrugë fitores së kandidates Klodeta Dibra. Ngjarja ka ndodhur në muajin prill të 2016-ës.
Nisja e hetime dhe arrestimi i Shullazit morën shkas nga denoncimi i Sali Berishës. Ai ishte i pari që deklaroi se Shullazi po kërcënon profesorët. Në mbrëmje të po asaj dite Prokuroria e Krimeve të Rënda firmosi urdhër-arrestin për Shullazin e miqtë e tij Blerim Shullazin dhe Gilmando Danin. Ai po hetohet gjithashtu edhe për gjobvënie për rastin e ish-hotel Vollgës në Durrës, ku kundër tij ka dëshmuar Ylvi Beqja (dëshmitar i mbrojtur nga drejtësia).
/Opinion.al
