Avokati i Saimir Tahirit, z. Maks Haxhia dha një deklaratë të shkurtër për mediat në nisje të seancës së masës së sigurisë për ish-ministrin e Brendshëm. Haxhia komentoi deklaratën e ambsadorit amerikan Donald Lu, se po u bëhet presion gjyqtareve. Duke komentuar këtë deklaratë, Haxhia tha: “Mesazhi i Lu-së, ishte shumëdimensional. Atë mesazh unë dua ta ndaj në dy pjesë: E para, se qarkullon një opinion rëndon në Shqipëri sa herë ka çështje kaq të ndjeshme .E dyta: foli për atë që unë jam shumë i interesuar si avokat se masa e sigurisë duhet të jepet mbi baza e prova. Bazuar në fakte, Tahirit duhet ti hiqet sot arresti shtëpiak”, tha avokati.
Deklarata e ambasadorit nje dite me parë:
“Kemi dëgjuar disa raportime nga burime të pavarura për presione serioze në këtë çështje, përfshirë edhe ryshfete që u janë ofruar gjykatësve. Ne i bëjmë thirrje shoqërisë civile dhe medias që ta vëzhgojnë këtë çështje me vëmendje, në mënyrë që vendimi të bazohet mbi provat dhe ligjin dhe jo mbi presione, kërcënime apo para. Askush nuk është mbi ligjin”, ka thënë Donald Lu.
