Tahiri negocion me deputetët e LSI për ligjin për masat shtesë të sigurisë publike, i kthyer për rishqyrtim në Parlament nga Presidenti Nishani.
Ministri i Brendshëm la të kuptohet se ka siguruar mbështetjen e deputetëve për ta miratuar brenda 2 seancave plenare të ardhshme.
“Unë e kam kënaqësi, përveçse të pasurit pjesë të detyrës sime të përditshme, të bind çdo deputet në Kuvendin e Shqipërisë, që të votohet një projektligj, të cilin e kam propozuar unë, dhe i cili besoj do rrisë premisat kryesore për të parandaluar ngjarjet kriminale”, tha Tahiri.
Ndërkohë, për trafikun e rënduar në kryeqytet Tahiri tha se në bashkëpunim me Policinë Bashkiake do të arrihet të menaxhohet situata dhe se trafiku është i përkoshëm në të mirë të investimeve publike.
Kujtojmë se me nisjen e punimeve në sheshin Skenderbej trafiku në Tiranë u rëndua së tepermi dhe për këtë pati kritika ndaj Bashkisë.
