Ish-ministri i Brendshëm, Saimir Tahiri, të enjten në darkë, në një hyrje live në emisionin ‘Opinion’, është shprehur se prej gjashtë muajsh po i bëhet gjyqi politik, ndërsa ka heshtur në respekt të drejtësisë.
Tahiri tha se tashmë ka ardhur koha për të folur, pasi beson në vërtetësinë e fakteve.
Tahiri: Unë se kuptoj se pse hidhni fajin në arsyen se pse unë shkoj në Kuvend apo kam kërcënuar Edi ramën. Pasi unë nuk e kam në kulturë një gjë të tillë. Është e drejta ime që të marrë fjalën time për të gjithë këta muaj që kam qëndruar në heshtje. Unë do vazhdoj të dëgjoj, siç kam dëgjuar Lulin dhe Saliun. Për hir të respektit të drejtësisë, pasi unë jam nën hetim. Por kjo nuk do të thotë se saliu dhe luli do më bëjnë gjyqin moral. Unë kam të drejtën time të flas dhe kam bërë vetëm kaq.
Nëse unë jam një bir nëne që kam gjashtë muaj që duroi lloj lloj akuzash dhe shpifje në kurrizin tim. Ndërsa nga ana tjetër ka shumë lloj-lloj bij kurvash, në daç, po ta them që vuajnë varfërinë e këtij vendi.
“Nuk ka bir nënë dhe bir kurve që të më pengojë mua që të bëj drejtësi”.
Me këto fjalë, ish-ministri i Brendshëm Saimir Tahiri e mbylli prononcimin për mediat jashtë sallës së Kuvendit ditën e sotme.
Kjo është e dyta herë që Tahiri, ka përdorur shprehjet e kryeministrit Edi Rama për të reaguar në media.
Herë e parë ishte kur Prokuroria e Krimeve të Rënda kërkoi arrestimin e tij, dhe në një dalje për mediat para se Këshilli i Mandateve të mblidhej për të vendosur për të, Tahiri u shpreh se “nuk keni parë gjë akoma”.
“Për hir të respektit dhe konsideratës sime. Nuk jam marrë kurrë me prokurorët dhe gjyqtarët. Kjo nuk do të thotë që Saliu dhe Luli të më bëjnë gjyqin moral. Unë kam të drejtën time të flas.
Përsëritja e frazave të Ramës?
Unë jam i bindur që sado ta interpretoni ju këtë që thashë unë e thonë njerëzit më shumë. Nëse unë jam një “bir nëne” që duroj prej 6 muaj lloj akuzash.
Në 4 vjet kam bërë maksimumin tim me shpirt. Dhe mund të kem gabuar sigurisht. Mos i jepni rrugë mediokritetit duke i dhënë zë çdo lloj gjëje.
Në 4 vjet raportet e GDF mblidhi bashkë kultivimi i kanabisit është më i vogël se një vit. Kryeministri dhe ministri i brendshëm mund të pranojnë çfarë të duan unë kam konsideratën time.
Jeni takuar me Ramën?
Për mua është e rëndësishme e vërteta. Unë jam i vetmi politikan që kam kërkuar të hetohem. Unë shpresoj të vijë e vërteta dhe unë të hetohem.
Keni materiale komprometuese?
Ky është modeli im. Unë kam heshtur dhe i kam dhënë rrugë drejtësisë. Nuk bëj si Sali Berisha që për 21 janar i tha prokurores të përgjithshme “lavire bulevardi”.
Këto përrallë që kam materiale kërcënuese janë përralla për të mbushur orarin e tollovisë.
Shantazhe ndaj Ramës?
Çdo njeri që bën detyrën e vet edhe në nëse bën mirë nuk mund të shantazhohet. Unë kam qenë ministër dhe kam bërë detyrën time dhe nuk shantazhohem dhe nuk jam i shnatazhueshëm nga asgjë. Unë kam shërbyer si ministër i Ramës për 4 vjet dhe këto historitë që është i shantazhueshëm dhe këto historitë janë tollovi.
Deklatarata ime mund të ketë një problem etik. E pranoj. Kam 6 muaj që hesht. Kam 6 muaj që duroj. Edhe sot nuk kam folur. Unë kam të drejtë që të flas që askush. Jo Saliu dhe Luli dhe askush tjetër. Kush tjetër? Të gjithë përfshirë dhe juve. Unë kam një betejë që kam me njërzit dhe e kam me veten time” – tha ndër të tjera Tahiri.
