Saimir Tahiri ka folur më në fund, pas më shumë se dy orësh në Këshillin e Mandateve. Ish-ministri ka qenë i ashpër në mënyrën se si u ka folur prokurorëve, duke kërkuar madje “llogari” për disa pika lidhur me hetimin.
“Pas deklaratave publike të shtatorit 2015 kam ardhur unë dhe kam kërkuar hetim tek ju dhe ju keni nisur hetimin penal, e keni hetuar dhe e keni mbyllur po ju. A keni dijeni për këtë ?”, kështu i është drejtuar Saimir Tahiri, Prokurorëve referuar akuzave për përdorimin e makinës së tij nga vëllezërit Habilaj.
Por ndërkohë, Tahiri nuk ka pritur që prokurori të flasë gjatë dhe ia ka prerë shkurt fjalën, kur në komunikim ky i fundit i është drejtuar me ti.
-Unë nuk jam ti, jam ju,- i ka thënë Tahiri.
