TIRANË- Problemi i azilantëve shqiptarë ne Gjermani ka sjellë në Tiranë ministrin gjerman Thomas de Maiziere. Ai pati një takim me ministrin e Brendshëm Saimir Tahiri dhe më pas me Kryeministrin Rama. Edhe pse është kundërshtuar nga Gjermania disa herë, ministri Tahiri ka përsëritur se shqiptarët që kanë ëkrkuar azil në Gjermani kanë qenë emigrantë në Greqi. Por homologu i tij gjerman u shpreh se azilkërkuesit paraqiten me dokumente shqiptare, dhe nuk dihet nëse vijnë apo jo nga Greqia.
Tahiri:
“Nga njëra anë informova kolegun se sipas të dhënave tona, daljet nga pikat kufitare tona janë 0.6 % më shumë se një vit më parë që do të thotë se pjesa më e madhe e azilkërkuesve në Gjermani janë shqiptarë rezidentë prej kohësh në Greqi dhe nga ana tjetër e falënderova për masat që ka marrë qeveria e Gjermanisë”
De Maiziere
“Nga biseda jonë shquaj tre pakt ekryesore: Së pari bashkëpunimi në fushën e sigurisë dhe kundër krimit të organizuar. Tema e dytë e cila dua të përmend këtu është ajo e emigracionit. Kjo çështje nuk ka të bëjë vetëm me azilkërkuesit shqiptare, por është një krizë europiane që kërkon vëmendjen e të gjithëve. E treta biseduam çështjen konkrete të azilkërkuesve shqiptare. Nuk ka arsye që nga Shqipëria të vijnë refugjatë që kërkojnë azil politik. Kjo është e papranueshme. Prirjet këtë vit kanë qenë të larta, bëhet fjalë për 50 mijë azilkërkues që vijnë me dokumente shqiptare, dhe kërkojnë azil. Numri i tyre deri diku ka rënë, por prapë mbetet në nivele të larta. Në javët në vijim do të ketë një numër në rritje të personave të rikthyer”.
