Gazetari i njohur britanik i “The Economist” Tim Judah vizitoi Shqipërinë në shtator në vitit të kaluar ku bëri një reportazh për shtimin e sasisë së hashashit që kultivohet në vendin tonë. Asokohe, ish-ministri Saimir Tahiri do ta shoqëronte vetë gazetarin Tim Judah për ti treguar operacionet ‘e suksesshme’ të policisë në korrjen dhe djegien e hashashit.
Tim Judah nuk ka qendruar i heshtur këto ditë kur emri i Saimir Tahiri lakohet për përfshirje në grupin kriminal “Habilaj”. Ai shkruan në Twitter: “18 muaj më parë, kur pyeta italianët rreth Tahirit, ata refuzuan të flasin. Tani po bëhet e qartë pse”.
Statusin e shoqëron me lajmin e BalkanInsight: “Prokurorët kërkojnë arrestimin e Saimir Tahirit”.
Gjithashtu ai ka shpërndarë edhe një herë në Twitter reportazhin për Shqipërinë me titull “Hash&Burn” të “The Economist”, duke kujtuar se kishte shkruar edhe për akuzat e opozitës shqiptare ndaj Saimir Tahirit.
/R.D-Opinion.al
*Fotot e publikuara nga Tahiri një vit më parë me gazetarin Tim Judah
18 months ago when I asked the Italians about Tahiri they refused to speak. Now it is becoming clear why. https://t.co/bX0elwgvvK #Albania
— Tim Judah (@timjudah1) October 19, 2017
*Reagimi i gazetarit tani kur ish-ministri është nën akuzë të rëndë si implikuar në trafikun e drogës
Bashkelidhur: Shkrimi i “The Economist” për kanabisin
