Çështja e ish-ministrit të Brendshëm, Saimir Tahiri është risjellë përsëri në vëmendje të mediave dhe organeve të drejtësisë. Tahiri akuzohet se ka ndihmuar grupin e Habliajve për të trafikuar lëndë narkotike gjatë koëhs që mbante detyrën e ministrit të Brednshëm
Akuzë kjo e cila është mohuar vazhdimisht nga ish-minitri Tahiri, i cili është shprehur se ai ka luftuat trafikimin e lëndëve narkotike dhe jo ti trafikonte ato. Lidhur me këtë akuzë, “A2” ka publikuar email-et e Tahirit, i cili i kishte paraqitur në Gjykatën e Krimeve të Rënda, për të vërtetuar se policia ishte në ndjekje të grupit Habilaj.
Ish-ministri, gjatë mbrojtjes paraqiti email-et si dhe dokumentacionin përkatës, të cilat mbajnë datën 29 prill 2017, ku ish-shefi kundër krimit të organizuar në Vlorë, Gjergj Kohilla i dërgonte prokurorit Dritan Prençi informacion të detajuar për aktivitetin kriminal në kultivimin dhe trafikimin e kanabisit, për Moisi e Florian Habilaj, por edhe Nezar Sehitaj.
Sipas dokumentacionit të paraqitur nga Tahiri, sugjerohej nisja e hetimeve ndaj grupit të Habilajve dhe vënia në përgjim e disa numrave telefonik, në mënyrë që policia e Vlorës të binte në gjurmët e trafikantëve.
Në fund të email-it, Policia e Vlorës është në pritje të vendimeve të prokurorit i cili më pas ngriti akuzë ndaj ish-ministrit të Brendshëm dhe 3 zyrtarëve të policisë. Një tjetër provë, që sipas Tahirit, tregon qartë se policia ka goditur vazhdimisht bandën e Habilajve është një operacion në Selenicë me urdhër të ish-drejtorit të policisë së Vlorës, Jaeld Çela.
Drejtori i policisë së Vlorës, thuhet në shkresën që mban datën 10 qershor 2016, i kërkon stacionit policor Selenicë të marrin masa për evidentimin dhe shkatërrimin e parcelave me kanabis që dyshohet se janë kultivuar nga vëllezërit Habilaj në fshatin Vërmik.
Sipas të dhënave të cilat janë sekrete, Habilajt kishin dhe mbështetjen e disa njerëvë nga Çolja për të vijuar aktivitetin e trafikimit të lëndëve narkotike.
Kujtojmë që një ditë më parë Prokuroria kërkoi që Saimir Tahiri të dënohej me masën e sigurisë “arrest me burg”. Për ish-ministrin u kërkua 8 vite burg, për akuzat, trafik narkotikësh dhe grup i strukturuar kriminal./ Opinion.al E.Xh.
