Saimir Tahiri ka hedhur akuza të rënda politike, pak mkinuta para se të vendoset fati i tij. Mes brohoritjeve të ndjekësve dhe mbështetësve që e prisnin në dalje të kryesisë, Tahiri ka thënë se do i shkojë deri në fund të vërtetës.
“Jam i pari që do të jem në dispozicion të çdo institucioni dhe nuk përtoj t’i mbaj në kurriz të gjithë ata që duan të kërkojnë një të vërtetë. Le të vijnë dhe të kërkojnë në banesën time.
Le të vijë Berisha dëshmitar, le të vijë Iliri, ose po nuk erdhi Iliri të vijë Monika, ose po nuk erdhi Monika të vijë Lulzim Basha”.
Unë nuk merrem se si djali i Berishës ia ka hedhur drejtësisë, as se si Iliri dhe Monika ia ka hedhur drejtësisë, as se si Fatmir Mediu ia ka hedhur drejtësisë”, ka vijuar ai.
Mbështetësit e Saimir Tahirit janë mbledhur përpara Kryesisë së Kuvendit dhe me thirrje e brohorima kanë shoqëruar daljen e tij. “Na ke neve” i kanë thënë ata duke bërtitur në kor: “Saimir Tahiri”.
“Unë besoj se të gjithë e patë që është akti i dytë i një estrade. Jam i vendosur t’i shkoj deri në fund. Vështirësitë janë të mëdha, por unë nuk do dorëzohem kurrë”, ka thënë Tahiri duke shtuar se kjo është estradë.
