Enkelejd Alibeaj, ish-deputet i Partisë Demokratike ka folur në lidhje me dënimin e dhënë mbrëmjen e djeshme nga Gjykata e Krimeve të Rënda ndaj ish-ministrit të Brendshëm Saimir Tahiri.
Alibeaj është shprehur gjatë një emisioni televiziv se sistemi i vjetër i drejtësisë ka dënuar ministra me burg, dhe nuk jepte dënime si i Tahirit, me punë vullnetare.
Ish-deputeti thekson se pret qe drejtësia e re e cila do të dalë nga reforma të jetë e pa kapur nga politika dhe të mos ketë ndikime në vendime që do të marrë në çështjet e caktuara.
“Ai sistem i vjetër i drejtësisë, që meritonte shkundjen nga themelet, ka çuar ministra të qeverisë së atëherëshme në burg, jo për punë vullnetare. Kur flitet për sistem drejtësie, e vetmja gjë për të cilën do të duhet të urojmë është të jetë një drejtësi e pakapur nga politika dhe e pakapur nga pushteti. Pushteti është mëkatari më i madh dhe ai e ka frikën më të madhe të sistemit të drejtësisë. Ai ka jo vetëm shtysën e brendshme, por edhe mundësitë për ta kapur”.-tha Alibeaj/ Opinion.al E.Xh.
