Saimir Tahiri është marrë në pyetje përreth 2 orë e 30 minuta nga prokurorët e Krimeve të Rënda. Në një prononcim të shkurtër për media ai tha: “U paraqita me kërkesën time për të shprehur gatishmërinë për ti shkuar te vertetes deri në fund. Jam disponibel për hetimet e prokurorisë”.
Më tej Tahiri u shpreh se nuk kërkon debat politik por vetëm hetime serioze: “Betejen për drejtësi nuk e bëj para jush (medias). Akoma më keq ta kthej në debat politik. Debati politik duhet të mbyllet e kam betejen përpara drejtësisë”.
Ai nuk pranoi të japë asnjë detaj se për çfare u pyet në prokurori. “Atë që e bëra me prokurorët brenda, nuk dua ta bëj këtu para mediave. Jam i hapur për çdo hetim. Dua ti shkoj në fund te vertetes sime”, u shpreh ne fund Tahiri.
/Opinion.al
