Kryesfida javës së 19-të të Superiores shqiptare është ajo ndërmjet Skënderbeut dhe Flamurtarit. Korçarët janë kryesuesit e kampionatit, ndërsa vlonjatët vijnë si vendi i dytë. Ekipi vendas është forca kryesore e Superiores dhe mund ta humbë titullin vetëm nga gabimet e veta, ndërsa miqtë janë konfirmuar si një skuadër “blind”.
Trajneri Shpëtim Duro është treguar i kujdesshëm në çdo deklaratë që ka dhënë, pasi mendon se skuadra e tij nuk mund të rivalizojë Skënderbeun, sigurisht, deklarata modeste. Numri një i stolit vlonjat ka edhe një tregues të madh kundër, statistikat. Skuadra e tij nuk fiton prej shumë vitesh në Korçë. Në kampionat ka 7 vite pa mposhtur Skënderbreun në shtëpi. Sfida e fundit që bregdetarët kanë fituar në stadiumin Skënderbeu është ajo e 11 prillit të vitit 2010 me rezultatin 0-1. Prej asaj fitore e deri tani, Flamurtari ka koleksionuar vetëm humbje në Korçë.
Flamurtari ka marrë edhe një fitore tjetër në Korçë, por në Kupën e Shqipërisë. Fjala është për ndeshjen e luajtur më 9 prill 2014, që u mbyll me rezultatin 0-2. Atë vit, Flamurtari eliminoi Skënderbeun nga ky kompeticion. Sot, prej ores 18:00, do të shohim nëse miqtë mund të thyejnë tabunë e Korçës.
Ndeshjet radhazi të humbura nga Flamurtari në Korçë
Skënderbeu – Flamurtari 2-0
Skënderbeu – Flamurtari 1-0
Skënderbeu – Flamurtari 2-1
Skënderbeu – Flamurtari 5-0
Skënderbeu – Flamurtari 2-0
Skënderbeu – Flamurtari 2-0
Skënderbeu – Flamurtari 3-1
Skënderbeu – Flamurtari 1-0
Skënderbeu – Flamurtari 1-0
Skënderbeu – Flamurtari 2-0
Skënderbeu – Flamurtari 3-1
Skënderbeu – Flamurtari 2-1
Skënderbeu – Flamurtari 1-0
/eduasportin.com
