Autoriteti Rrugor Shqiptar ka reaguar zyrtarisht për vendosjen e tabelave në gjuhën greke, në rrugën kombëtare Qafë Muzinë – Sarandë – Konispol.
Sipas ARRSH-së në bashkëpunim me Policinë janë hequr 35 tabela, të cilat ishin vendosur jashtë standardeve të përcaktuara në Kodin Rrugor dhe pa miratimin e entit pronar të rrugës Autoritetit Rrugor Shqiptar.
“Çdo palë e tretë jo ent pronar i rrugës, në kushtet kur vendos të ndërhyjë në rrugë apo vendosje sinjalistike treguese për zonat e banuara, duhet t’i referohet “Kodit Rrugor të Republikës së Shqipërisë”, thekson ky institucion, por që në fakt nuk gjen asnjë përgjegjës që ti ketë vendosur këto tabela.
Shumica prej këtyre tabelave thotë ARRSH pengonte shikueshmërinë e tabelave rrugore paralajmëruese në këtë aks, nuk plotësonin specifikimet teknike të përcaktuara në legjislacionin në fuqi për sa i përket specifikimeve teknike të tyre si dhe nuk plotësonin specifikimet teknike të përcaktuara në legjislacionin në fuqi për sa i përket renditjes së emërtimeve në gjuhën shqipe dhe atë minoritare, ngjyrës dhe madhësisë së shkrimit të përdorur./ Opinion.al
