Ish-deputetja e PD-së, Jorida Tabaku, shprehet se qeveria ka alokuar vetëm 20% e vlerës së projektit për rindërtimet në 2020.
Përmes një postimi në rrjetet sociale, Tabaku shton se kryeministri dhe kryebashkiaku i Tiranës si dhe të emëruarit në rrethe, po tenderojnë pa fonde të disponueshme në buxhet.
Ish-deputetja shkruan se po u japin firmave të lidhura me tendera rindërtimesh me shpresën se do të marrin fonde nga vendet e BE.
“Me një buxhet të shkatërruar nga korrupsioni dhe PPP-të me një arkë të mbushur këto 7 vjet nga taksat e larta, i qartë se konsumi po bie pikiatë dhe se shqiptarët do të kalojnë krizën më të madhe ekonomike pas pandemisë, Rama gjen guximin të flasë për buxhete rindërtimesh. I bindur se me propagandë do ta mposhtë realitetin edhe kësaj here ai flet për buxhetin e rindërtimit pasi gënjeu shqiptarët për buxhetin anti-COVID. U thotë shqiptarëve se asnjë qindarkë nuk preket në buxhetin e rindërtimit dhe nuk u shpjegon të vërtetën. Sipas shkresës së qeverisë janë alokuar vetëm 20% e vlerës së projektit për rindërtimet në 2020. Pra kryeministri dhe pinoku në krye të Tiranës apo dhe të emëruarit në rrethe po tenderojnë pa fonde të disponueshme në buxhet. Po u japin firmave të lidhura me to tendera rindërtimesh me shpresën se do të marrin fonde nga vendet e BE. Por për shqiptarët e prekur sa nga tërmeti dhe nga pandemia ekonomike ndihma ishte qesharake. Mbështetja reale në ekonomi qe 0.8% e PBB megjithëse në 7 vjet me radhë shqiptarët kanë paguar taksat më të larta në rajon. Per 7 vjet me radhe, RAMAVIRUSI e ka gërryer ekonominë, shendetesine, dhe mirëqenien e shqiptareve, CORONAVIRUSI thjesht po i jep dorën e fundit duke nxjerre dështimet e keqqeverisjes se Rames dhe paaftesise se tij per te menaxhuar situatën”,-shkruan Tabaku.
Kujtojmë që më herët kryeministri Edi Rama deklaroi se gjatë pandemisë nuk janë prekur paratë e planifikuara për rindëritmin./ Opinion.al
