Deputetja e PD, Jorida Tabaku në mbledhjen e Këshillit Kombëtar të Integrimit u shpreh se kryeministri Edi Rama po e përdor veton bullgare si pengesë kryesore për avancimin e procesit të integrimit europian.
Sipas Tabakut, kjo është thjeshtë një retorikë politike pasi detyrat e qeverisë shqiptare janë të qarta dhe nja nga kriteret kryesore është lufta ndaj krimit të organizuar.
“Sipari i disa tryezave raportuese të KKIE, persa i përket 6 parakushte per hapjen e negociatave, ka qenë traditë që të kishte debat në parlament, por kjo gjë nuk ka ndodhur, ndaj shpresoj që ky takim të jetë një mundësi e mirë për një qasje të re për rolin mbikëqyrës që duhet të ketë Parlamenti për integrimin Europian. Rama po e përdor veton Bullgare si pengesa kryesore për avancimin e procesit të integrimit europian, por në fakt kjo është thjeshtë një retorikë politike, dhe detyrat e qeverisë shqiptare janë tashmë shumë të qarta ku kriteri ndaj luftës ndaj krimit të organizuar është ndër kryesoret. Duhet shtuar që ky është një proces i vazhdueshëm, dhe përgjegjësi për të gjithë ne si anëtarë në KKIE por dhe vetë deputetëve të ushtrojnë të gjithë kontrollin parlamentar”,-tha Tabaku./Opinion.al
