Kryesore

Tabaku: Rama mendon për oligarkët edhe kur ekonomia humbet 1 miliard euro


Bëhu pjesë e Grupit Zyrtar të Opinion.al
>> KËTU <<
               Publikuar në : 10:06 - 28/12/20 |
Opi Nion

Partia Demokratike ka hedhur akuza në lidhje me situatën ekonomike në vend. Ish-deputetja, Jorida Tabaku shprehet në një postim në  “Facebook” se qeveria ka dështuar në menaxhimin e situatës së krijuar nga tërmeti i 26 nëntorit 2019 dhe pandemia COVID-19.

Teksa iu referohet të dhënave të INSTAT, Tabaku shkruan se ekonomia do të kontraktohet për këtë vit në 7.5% të PBB-së dhe se ekonomia shqiptare ka një rënie prej 130 milionë eurosh në 3-mujorin e tretë të vitit.

Më tej, ish-deputetja shprehet se buxheti 2021 nuk është ideuar për t’i ndihmuar qytetarët, pasi sipas saj, kjo qeveri po ndihmon oligarkët duke iu dhënë 120 milionë euro për PPP.

Postimi i Tabakut:

Rama mendon për oligarkët edhe kur ekonomia shqiptare humbet 1 mld euro! Rama dështoi në menaxhimin e dy krizave të mëdha të këtij viti. Qeveria dështoi t’i përgjigjej në kohë krizës së shkaktuar nga tërmeti, dështoi dhe të siguronte ndihmën e duhur njerëzore dhe ekonomike ndaj biznesit dhe qytetarëve përgjatë pandemisë.

Rezultati është 1 mld euro rënie në GDP-në e vendit dhe një krizë e madhe në ekonominë dhe rritje të papunësisë. INSTAT raporton se rënia ekonomike në vend për 3 mujorin e tretë është 130 mln euro ndërsa Produkti Brendshëm bruto, pra çfarë prodhon e gjithë ekonomia jonë, është kontraktuar me 3.3%. Parashikimet flasin se ekonomia do të kontraktohet për këtë vit në 7.5% të PBB-së.

Buxheti 2021 nuk është ideuar për t’i ndihmuar qytetarët. Varfëria do të rritet sikundër dhe BB e ka parashikuar duke shkuar në nivelet e 2005, pra shqiptarët do të kthehen 15 vjet pas tek të ardhurat e tyre. Ndërkohë që në këtë kohë krize ku janë humbur nga ekonomia 1 mld euro qeveria shqiptare do të japë për PPP-të e programuara 120 mln euro duke u rritur me 40% në raport me këtë vit.

Gjëja e fundit që i intereson kësaj qeverie jemi ne, qytetarët e Shqipërisë. Pas 7 vite dështimesh, ajo që mund të ofrojë Rama gjithnjë e më shumë dështime. Ne, Partia Demokratike, do të sjellin ndryshim dhe një shpresë të re për Shqipërinë./ Opinion.al

Pas