Deputetja e Partisë Demokratike, Jorida Tabaku, e ka cilësuar si një “show të rradhës”, takimin e deputetëve të PS-së me pensionistët.
Përmes një postimi në rrjetet sociale, Tabaku theksoi se kjo fushatë është një cirk i telekomanduar, ku 780,000 pensionistë përdoren për përfitime politike.
“Përmallimet e ministreshave e deputetëve për pensionistët janë thjesht shou i radhës i cirkut lëvizës që me telekomandë u urdhërua që 780,000 pensionistë duhen takuar.
Politikanët flasin me akte dhe e vërteta është komplet ndryshe. Qeveria socialiste e ndryshoi buxhetin në shtator 2024 dhe u dha 73 mln euro PPP-ve më shumë sesa në fillim të vitit!
Rishikuan buxhetin dhe i dhanë pensionistëve 5 herë më pak se sa oligarkëve. Qeveria e pakicës!”, shkruan Tabaku.
