Deputetja e Partisë Demokratike, Jorida Tabaku është shprehur se mijëra familje shqiptare sot paguajnë më shtrenjt energjinë elektrike se katër vjet më parë.
Përmes një shënimi në Facebook, Tabaku shkruan se 654 mijë familje paguajnë sot 23 për qind më shtrenjtë energjinë elektrike, pasi vetëm katër vjet më parë, ato paguanin vetëm 9.24 lekë/kilovatorë, ndërsa sot paguajnë 11.4 lekë/kilovatorë.
Sipas saj, secili prej nesh paguan 0.082 euro/KËH energji elektrike pa taksa, më shumë se sa çdo vend tjetër i rajonit përjashto Malin e Zi.
“Një biznes vendas paguan sot 20% më shumë për energjinë elektrike se sa në vitin 2013, duke rritur automatikisht çmimin e shërbimeve apo produkteve. Një biznes paguan sot mestarisht 13.6 lekë/kilovatorë nga 11.4 lekë/kilovatorë. 2600 shqiptarë u arrestuan nga policia e shtetit sepse e kishin të pamundur pagesën e çmimit të rritur të energjisë elektrike”, shkruan Tabaku.
Më tej, ajo deklaron se PD ofron në programin e saj 300 KË falas për çdo familje, uljen e TVSH-së në 15% që do të sjellë edhe uljen e çmimit të energjisë jo vetëm për familjet por edhe për bizneset.
“Vota për Partinë Demokratike është për t’i dhënë fund një herë e mirë çmimeve të larta, taksimit të pandershëm dhe logjikës së të bërit shtet në kurriz të qytetarëve të ndershëm”, shkruan Tabaku.
