Deputetja demokrate, Jorida Tabaku ishte e pranishme sot në një takium me sipërmarrës të ndryshëm në Tiranë.
Gjatë fjalës së saj, Tabaku tha Shqipëria po kalon një moment të vështirë ekonomik, për shkak të keqqeverisjes që i ka bërë vendit, qeveria Rama.
“Gjatë vizitës së sotme në një numër të madh dhe të shumëllojshëm biznesesh vërejta se shumica e tyre ndonëse ora po afronte 12 nuk kishin nisur ende të bënin shitjet e para. Qytetarët nuk kanë parë të blejnë produkte, nuk konsumojnë pasi të gjitha të ardhurat u shkojnë në taksa, çmimin e nergjisë, tarifën e ujit, kostot e transportit. Edhe marketet ishin në krizë të thellë sa i takon konsumatorëve, dëshpërimi i tyre qe i madh.”
Deputetja Tabaku ndërsa ftoi qytetarët ti bashkohen opozitës më 16 shkurt në shesh, tha me ardhjen në pushtet demokratët, do të ulin çmimin e energjisë dhe karburantit.
“A ka zgjidhje kjo situatë? Po! Një ekonomi e drejtuar për nga konsumi dhe qytetari e jo nga oligarkia është zgjidhja. Përkrah uljes së taksave, uljes së TVSh-së dhe incentivave të bizneseve do të shoqërohet me rritjen e pagave, uljen e çmimeve të energjisë elektrike, karburantit dhe sa e sa të mirave të tjerave që rëndojnë artificialisht kostot e produkteve. Qytetarët do t’u rikthehen shpenzimeve dhe nuk do t’u mbarojë rroga në ditët e para të muajit.”, tha Tabaku.
