Me batuat është shoqëruar mbledhja e Këshillit të Integrimit mes deputetes së Partisë Demokratike, Jorida Tabaku dhe kreut të grupit socialist, Taulant Balla.
Në një moment, ku kreu i SPAK Arben Kraja po i përgjigjej pyetjeve të deputetit demokrat Enkelejd Alibeaj, kryetarja e Këshillit të Integrimit, Jorida Tabaku i ka kërkuar zotit Kraja të ngrinte zërin pasi nuk po dëgjohej në sallë.
Alibeaj: Si ndiheni ju teksa kur Rama dhe ministri i Drejtësisë që mbartin ngarkesë të qartë politikë kërcënojnë apo japin direktiva kur duhet ta bëjë punën SPAK apo Prokuroria e Përgjithshme?
Tabaku i kërkon kreut të SPAK të ngrejë zërin që të dëgjohet më mirë pavarësisht nga interesi për ato që thuhen, duke shprehur dhe një dëshirë.
Tabaku: Do t’i kërkoj zotit Kraja që ta ngrejë pak zërin edhe kolegëve që t’i dëgjojmë. Unë e di që ne të gjithë këtu në parlament duam që të na thotë zoti Kraja konkretisht kur do të arrestohet x ministër nga ana ime, zoti Balla nga ana e vet…
Balla: Ti e di për kë e kam unë…
Tabaku: Ndoshta informacioni i përgjithshëm nuk është lajm politik, por ta dëgjojmë.
