Nënkryetarja e Komisionit të Ekonomisë, Jorida Tabaku, të hënën, deklaroi se vitin tjetër borxhi publik pritet të kapë shifrat e 83 për qind të PBB-së, si dhe duke shtuar se taksat tashmë janë rritur më shumë se 5 miliard dollarë.
Tabaku parashikon një panoramë gri të ekonomisë shqiptare, sipas të cilës, qindra biznese do të mbyllen, duke marrë me vete në humnerë ekonominë dhe të ardhurat e gjithsecilit.
Ajo tregon se skemat e dështuara të PPP-ve, u çuan në një stad tjetër, duke përfshirë në një skemë piramidale gjithë buxhetin e shtetit.
Sipas saj, shqipëria sot ka një borxh publik 71% të PBB-së ndërsa vetëm PPP-të e dhëna deri më tani përbëjnë 12% të PBB-së.
Tabaku thotë se këto skema janë kontrata të përjetshme që qeveria ka lidhur me oligarkët, për të kaluar përjetësisht paratë e shqiptarëve në xhepat e tyre dhe më pas në xhepat e qeveritarëvve.
