Pak më parë drejtoresha e ARRSH-së, Sonila Qato njoftoi dorëheqjen e saj nga detyra, duke u shprehur se vendimi i saj vejn për shkak se ndaj saj janë ngritur disa akuza nga një kompani.
Lidhur më dorëheqjen e drejtoreshës së ARRSH, ka reaguar ish-deputetja e PD, Jorida Tabaku. Ajo shprehet se dorëheqja e saj është lënë qëllimisht sot, pasi pas pak do të jepet dhe vendimi i gjykatës për ish-ministrin e Brendshëm, Saimir Tahiri.
Sipas, ish-deputetes dorëheqja e Qatos ka qenë e firmosur që ditën e djeshme, por u la qëllimishte sot që të bëhej publike.
Tabaku shprehet gjithashtu se, kryeministri Edi Rama; “po përpiqet të mbulojë luftën e egër që ka plasur mes grupeve në PS me shpresën se gjyqi i Tahirit do të bëjë të harrohet skandali i Sonila Qatos, i Belinda Ballukut dhe i kompanive me të cilat, Rama, bashke me to, vjedh shqiptarët!”
Tabaku ka paralajmërua se Partia Demokratike do të sjellë nesër prova për skandalin që detyroi Sonila Qaton të largohet nga posti i drejtoreshës së ARRSH-së.
LEXO EDHE: Skandali me tenderin, drejtoresha e ARRSH-së jep dorëheqjen
Reagimi i Tabakut
Me parimin një vjedhje të madhe mbuloje me një zhurmë më të madhe, Edi Rama, largoi nga detyra drejtorëshën e Agjencisë së Rrugëve, Sonila Qato 1 orë përpara se gjykata të marrë vendimin për Saimir Tahirin. Nje doreheqje qe ka qene gati qe dje e firmosur!
Edi Rama po përpiqet të mbulojë luftën e egër që ka plasur mes grupeve në PS me shpresën se gjyqi i Tahirit do të bëjë të harrohet skandali i Sonila Qatos, I Belinda Ballukut dhe I kompanive me të cilat, Rama, bashke me to, vjedh shqiptarët!
Asgjë nuk do të harrohet! Çdo aferë korruptive do t’i bëhet e njohur publikut!
Partia Demokratike do të sjellë që nesër prova për skandalin që detyroi Sonila Qaton të largohet./ Opinion.al E.Xh.
