Pak ditë më parë u gjet e vdekur në një rezervuar në Mallakastër, 50-vjeçarja Drita Saliaj. Tre janë autorët e vrasjes së saj nipi i saj 16-vjeçar dhe dy shokët e tij përkatësisht 16 dhe 26-vjeç.
Gjatë ditës së sotme në një prononcim për mediat prindërit e 26-vjeçarit Ervis Zotkaj janë shprehur se kërkojnë që djali i tyre të pushkatohet për krimin makabër ku është përfshirë.
Ato kanë cilësuar 50-vjeçaren si ‘një njeri shumë të mirë dhe të ndershëm’ ndërsa për djalin e tyre nuk duan mëshirë pas krimit të ndodhur.
“I lutem shtetit të marrë masat më të rënda, ose ta bjerë në Gjerbës të Mallakastrës, ta pushkatoj me dorën time. Nuk e di nëse djali im është autor i ngjarjes, nuk di asgjë. Makina e djalit ishte në shpi më 5 janar, edhe djali ishte në gjumë, deri këtu e di”, -ka thënë i ati i 26-vjeçarit.
Nëna e Zotkaj u pyet për atë se çfarë kishte ndodhur pas datës 5 Janar me të birin si dhe a do t’a mbështesnin atë në Gjykatë.
“Jo, ishte si i tërbuar. Nuk hante bukë në rregull, ikte shpeshherë. Dua dënimin më të rëndë, ta çoni e ta lyeni me benzinë e ta vrisni. Ajo gruaja është shumë e mirë, shumë e ndershme. Për Vit të Ri e urova, e pyeta me kë e kaloi, më tha vetëm. Unë jam ta pushkatoni në vend djalin. Ai vinte e ikte të shtunën, mora dhe vajzën në telefon, po më tha ashtu bën ai.
Ishte si i hutuar, i trembur. Luisi ishte në Greqi, atë tjetrin nuk e njoh fare. Djalin e mbështes me plumb në kokë, kaq. Unë dua të pushkatohet këtu në fshat, se nuk e dua. Të ma bënte mua nënës më parë, pastaj Dritës. E kemi rritur me lakra, na janë këputur duart duke punuar për të dhe të na bëjë këtë. Unë kam katër djem e tri vajza, tani kam gjashtë fëmijë.
Të ma sjellin këtu, po s’e vrava, mos më quani të tillë. Ai më ka borxh kokën. Unë do iki nga këtu dhe do shkoj në Gjerbës e do i them më vrit mua. Unë si prindër vete vetë atje dhe iu them të më pushkatojnë,”-përfundon nëna e 26-vjeçarit Ervis Zotkaj.
Pak ditë më parë 50-vjeçarja Drita Saliaj u vra dhe u torturua nga nipi i saj 16-vjeçar dhe dy shokët e tij , të cilët kishin shkuar për të vjedhur në shtëpinë e saj. Pasi e vranë duke e tortuar dhe masakruar e hodhën në rezervuar në fshatin Gjerbës të Mallakastrës. /Opinion.al/
