Microsoft ka planifikuar një ridizenjim të Windows 10-ës dhe këtë na e zbuloi përmes një imazhi në Ditën e Zhvilluesve të Windows ditën e mërkure.
Microsoft zbulon projektin Neon, ndryshimin e parë madhor vizual në Windows 10
Detajet rreth “Projektit Neon” janë të pakta për momentin, por pamje e re vizuale do të përqendrohet në animacionet dhe efektet kaluese mes dritareve.
Ky ndryshim vizual do të prekë të gjitha paisjet me këtë sistem operativ që nga kompjuterat personal tek tabletët, HoloLens, Xbox dhe disa prej telefonëve Windows Phone raporton Windows Central.
Ishte një përdorues i Twitter, Tom Hounsell, i cili ndau me ne një imazh të pastër të ndryshimeve që pritet të vinë.
For anyone who cares, here’s the full concept image that was in the background of #Microsoft‘s “Sneak Peak” of #Windows10 #ProjectNEON pic.twitter.com/I3cIlZfX0k
— Tom Hounsell (@tomhounsell) February 9, 2017
Pak gjëra ndryshojnë në strukturë por kjo Windows 10 të jep një ndjesi më moderne. Ikonat e TaskBar-it janë më dinamike. Cortana do të përfaqësohet nga ikona e saj në vend të ikonës kërkuese.
Ora në taskbar është më e theksuar ndërsa ikonat e qendrës së njoftimeve mungojnë. Windows Central thotë se një pjesë e kodit të Projektit Neon është përfshirë në versionet e fundit eksperimentale të Windows 10-ës.
Më shumë informacion pritet nga Microsoft në konferencën Build të zhvilluesve gjatë muajit Maj. Përditësimi i parë i sistemit operativ për këtë vit është ajo e Krijuesve në Prill ndërsa një i dytë vjen në fundit të vitit.
