Këtë të shtunë reshjet e shiut i zunë vendin temperaturave të larta të javës, që arritën deri në 30 gradë. I gjithë vendi është përfshirë nga reshjet e shiut, ndërsa temperaturat janë ulur me 6-7°C.
Shirat janë paraqitur të dobët dhe vetëm në momente të shkurtra dhe kanë patur intensitet mesatar në zonat Perëndimore, ku janë matur deri 20 mm shi.
Sipas meteorologëve, pasditja sjell përmirësim të motit në zonat Perëndimore duke zhvendosur shirat drejt kufirit Lindor të Shqipërisë deri në mbrëmje, kur moti kthjellohet në të gjithë vendin.
Dita e diel dhe pjesa më e madhe e së hënës vijojnë pa shira, por sërish e marta e mërkura sjellin shira të përkohshëm, ndërsa temperaturat mbeten relativisht të ulëta, jo më lart se 23-24°C deri të enjten e javës tjetër./ Opinion.al
