Muaji shkurt sipas meteorologëve pritet të ketë një mot të qëndrueshëm dhe me temperatura të larta.
Meteorologia Adiola Bani nga MeteoAlb ka thënë se vetëm 2 ditët e para të shkurtit do të kenë mot me praninë e vranësirave dhe të reshjeve, ndërsa më pas moti do të jetë kryesisht i kthjellët.
Por, në një intervistë për ABC News, Bani ka theksuar se në dhjetë ditëshin e dytë të muajit shkurt pritet që të rikthehen reshjet dhe moti i acartë.
“Dy ditët e para të shkurtit do të na sjellin mot të paqëndrueshëm me reshje të pakta shiu dhe bore në zonat malore dhe të paktën 10 ditëshi i parë i shkurtit presim mot të kthjellët përjashtuar ndonjë ditë me prezencë të vranësirave dhe të reshjeve të pakta. Temperaturat e ajrit do të jenë të larta nga 0-1 gradë në mëngjes për të arritur në vlerat maksimale në 15 gradë. Ndërsa në 10 ditëshin e dytë të muajit shkurt të kemi disa dit me mot të acartë dhe me reshje të pakta shiu dhe bore në zonat malore”, ka thënë ajo./Opinion.al
