Rey Manaj mund të rikthehet në Seria A, por jo tek Interi. Këtë sezon, sulmuesi shqiptar u aktivizua tek Granada në ligën e dytë spanjolle, dhe në Spanjë flitet se ky klub mund të blejë edhe përfundimisht kartonin e Manajt.
Gjithashtu, kompania që ka në pronësi klubin e Granadës, zotëron edhe Parmën, dhe ata po e mendojnë klubin që sapo siguroi rikthimin në Seria A për edicionin tjetër, si një destinacion për Manajn. Sulmuesi lushnjar, edhe pse ende asgjë nuk është zyrtare, sezonin tjetër mund të jetë pjesë e Parmës.
