Ndeshja mes Realit të Madridit dhe Dortmundit ka përfunduar me rezultatin 3-1. Reali e ka mposhtur Dormundin në fushën e këtyre të fundit.
Në La Liga nuk po kalon një formë të mirë, po kur vjen puna për tek Liga e Kampioneve Real Madrid nuk neglizhon. Kjo ishte fitorja e parë e Real Madrid në “Signal Iduna Park” pas shtatë udhëtimeve.
Bale zhbllokoi rezultatin në minutën e 11-të kur shënoi gol shumë të bukur pas asistimit të Carvajal.
Edhe pse kishte raste pjesa e parë u mbyll me këtë rezultat. Pjesa e dytë nisi me gol, ku Ronaldo shënoi në minutën e 50-të pas asistimit të Bale (2-0).
Nuk vonoi shumë dhe Dormund ngushtoi rezultatin në 2-1 me Aubameyang në të 54-tën. Gjermanët kishin raste me Gotze dhe Aubameyang për ta barazuar rezultatin, por që nuk arritën të shënonin.
Ishte Ronaldo që këputi shpresat e vendasve me golin e realizuar në minutën e 79-të. Goli i dytë në këtë ndeshje, ndërsa i katërti këtë edicion.
Me këtë fitore Real siguron 6 pikë të plota në grupe.
