Ata janë ndarë, janë ribashkuar, janë ndarë sërish, ndërsa tani duket se po martohen. Bëhet fjalë për Mario Balotellin dhe modelen Fanny Neguesha.
Rreth tre vjet më parë, gjatë Kupës së Botës në Brazil çifti shfaqej më i dashuruar se kurrë, madje në atë kohë futbollisti italian i kishe dhuruar të dashurës së tij një unazë dhe një propozim për martesë.
Ndërsa tani çifti jo vetëm që janë kthyer bashkë, madje janë në prag martese, të paktën kështu raportojnë mediat rozë në Itali.
Sulmuesi italian, aktualisht te Nicë në Francë, por përjeton një nga sezonet më të mira si futbollist, edhe pse nuk ka ndaluar së shkaktuari incidente e probleme në fushë nga të cilat ka marrë disa kartonë të kuq.
Megjithatë, të tjera detaje priten në vijim për datën e martesës dhe detaje nga ceremonia që ata pritet të zhvillojnë.
