Shqipëria ka barazuar shifrat në 1-1 me Çekinë në minutën e 66’ me një gol të jashtëzakonshëm nga distanca.
Nedim Bajrami ka barazuar ndeshjen me një perlë nga jashtë zone. Avantazhi i vendasve zgjati vetëm nëntë minuta.
Kombëtarja Shqiptare po luan ndeshjen e katërt në grupin E për kualifikueset e Euro 2024, përballë Çekisë. Pak më parë janë publikuar edhe formacionet zyrtare, për ndeshjen që zhvillohet në Pragë, në “Fortuna Arena”.
Trajneri i Kombëtares tonë, Sylvinho ka preferuar të luajë me Berishën në portë. Në mbrojtje aktivizohen Mitaj dhe Hysaj, ndërsa Gjimshiti dhe Ismajli në qendër. Mesfusha është mjaft e pasur me Ramadanin, Asllanin dhe Bajramin. Në majën e sulmit është Cikalleshi, i cili do ketë edhe ndihmën e Seferit dhe Asanit.
Formacionet zyrtare:
Çekia: Pavlenka, Holes, Brabec, Krejci, Coufal, Soucek, Kral, Provod, Cerny, Kuchta, Cvancara
Shqipëria: Berisha, Hysaj, Ismajli, Gjimshiti, Mitaj, Asllani, Ramadani, Asani, Bajrami, Seferi, Cikalleshi.
