Komnen Andriç, serbi i parë i blerë në 29 vitet e fundit nga drejtuesit e klubit kroat të Dinamos së Zagrebit, ua ka bërë të qartë kolegëve se diskutimet për Serbinë nuk do t’i toleronte.
Andriç rrëfen se ka pasur një debat me Amir Rrahmanin, mbrojtësin e përfaqësueses së Kosovës dhe që më parë ka luajtur për kryeqytetasit e Partizanit.
Në një intervistë për gazetën ‘Alo’ sulmuesi serb tregoi se çfarë kishte disktuar me Rrahmanin, kur ky i kishte përmendur Kosovën.
“I thashë që nuk duhet ta bësh më këtë gjë. Mund të bëjmë shaka, të jemi miq, por këtë gjë mos e bejë më. Ai e kuptoi që më kishte cënuar dhe tani jemi miq të mirë”, u shpreh sulmuesi serb./E.M
