Lidhur me sulmin me armë zjarri të bërë ndaj Shërbimit Informativ të Greqisë, ngjarje e ndodhur më 27 maj 2025, janë arrestuar dy autorët, të cilët janë pjesë e mafies turke.
Autorët, të moshës 23 dhe 43 vjeç, u arrestuan orët e para të mëngjesit në kufirin bullgaro-turk, raporton media greke Protothema.
Pritet që dy pjesëtarët e mafies turke, të njohur si banda “Daltons”, të ekstradohen drejt Greqisë në ditët në vijim, pas plotësimit të procedurave përkatëse.
Dy autorët, ditën e sulmit, ishin duke udhëtuar në një automjet së bashku me një 49-vjeçar tjetër, kur hapën zjarr ndaj Shërbimit Informativ, që kjo e fundit ishte në ndjekje të tyre. 49-vjeçari i arrestuar, ka pretenduar para autoriteteve Helene se ndodhej nën gjendjen e panikut kur ka nisur sulmin me armë zjarri ndaj Shërbimit Informativ. Ai ka kërkuar falje para uniformave blu dhe është shprehur se ndihet i penduar.
E gjithë ngjarja, e cila ndodhi më 27 maj, u zhvillua në një stacion karburanti. Drejtuesit e Shërbimit Informativ ishin në ndjekje të tre turqeve, të cilët janë pjesës e bandës “Daltons”. Në Greqi, ky grup e ka të shtrirë aktivitetin e tij në lëndë narkotike. Fatmirësisht, nga ngjarja nuk pati të lënduar.
