Emirjeta Xhelili sulmoi dy gra myslimane të enjten e 8 shtatorit 2016, veprim pas të cilit përfundoi në pranga.
Autoritetet e New Yorkut kanë ngritur tashmë akuzën ndaj shqiptares që sulmoi gratë pranë shtëpisë së saj në Bruklin duke u përpjekur tu hiqte shamitë që ato mbanin në kokë.
Autoritetet thonë se gruaja fillimisht sulmoi njërën prej grave myslimane duke e hedhur në tokë, dhe më pas u përpoq të sulmonte dhe gruan tjetër.
Shqiptarja do të përballet me akuzën e sulmit, kërcënimin dhe rrezikimin e jetës së një fëmije.
Zyra e prokurorisë së Bruklinit e quajti incidentin si një krim të urrejtjes. Avokatët i thanë “New York Daily News” se Xhelili nuk ishte arrestuar më parë.
