Një ngjarje e rëndë ka ndodhur në mes të Tiranës në orët e para të mëngjesit të sotëm, rreth orës 03:00, kur persona të paidentifikuar kanë sulmuar me thika një të ri.
Ngjarja ndodhi në sheshin “Avni Rustemi”, pranë pazarit të ri, dhe për pasojë ka mbetur i plagosur rëndë një 27 vjeçar.
Sipas policisë, gjatë një konflikti për motive të dobëta, persona të paidentifikuar, kanë goditur me mjete prerëse në brinjë 27-vjeçarin Hasan N., i cili ndodhet në spital nën kujdesin e mjekëve.
Policia bën me dije se po punohet për sqarimin e rrethanave të ngjarjes, identifikimin dhe kapjen e autorëve.
