Eshtë sulmuar me armë mbrëmjen e djeshme zyra e partisë së Serbëve të Kosovës. Ngjarja sipas mediave vedase ka ndodhur në Leposaviç dhe autorët janë ende të paidentifikuar.
Lideri i Partisë së Serbëve të Kosovës, Aleksandar Jabllanoviç tha për Europa e Lirë:
“Mbrëmë, në orën 22:00 ka pasur sulm të armatosur, me qëllim që edhe të ketë viktima në njerëz. Por, rastësisht dhe falë rrethanave të fatit, ka pasur vetëm te disa dëme të mëdha materiale, për shkak se në hapësirat, të cilat janë bërë shoshë nga të shtënat kanë qenë të pranishëm 3 persona që kanë punuar aty”.
“Vetëm 20 minuta para sulmit, subjektin politik e kanë vizituar aktivistët partiakë që po përgatiteshin për zgjedhjet parlamentare. Vetë fakti që dikush guxon që në qendër të Leposaviçit të shtijë me armë në hapsirën ku ka njerëz, flet që një çmenduri serioze i ka kapur njerëzit e caktuar këtu, në veri të Kosovës”, ka thënë Jabllanoviç.
Ai i ka bërë thirrje sistemit të drejtësisë dhe institucioneve të rendit që t’i gjejnë autorët e sulmit, t’i vënë para përgjegjësisë dhe t’i ndëshkojnë sipas ligjit.
