Një sulm me thikë në një stacion autobusi në rrethinat e Tokios ka shkaktuar dy viktima, dhe 16 vajza të plagosura.
Vajzat e moshës 6-12 vjeç ishin nxënëse të një shkolle private fetare në qytetin Kawasaki. Ato po hipnin në autobus kur një person u afrua pranë tyre dhe filloi t’i qëllonte me thikë me rradhë.
Shoferi i autobusit deklaroi se pa një person që u afrua pranë stacionit me dy thika dhe filloi të sulmonte personat e pranishëm.
Sipas deklaratës zyrtare të policisë viktimat janë një vajzë 11 vjeçare dhe një burrë 39 vjeç që mendohet të jetë prindi i një prej fëmijëve. Ende nuk dihen shkaqet e ngjarjes së rëndë dhe autoritetet kanë nisur një hetim, por sipas raportimeve të mediave, autori i sulmit ka ndërruar jetë më vonë si pasojë e plagëve të marra./Opinion.al
