Policia e Kosovës në Mitrovicën e Veriut është sulmuar në orët e para të ditës së sotme me mjet shpërthyes.
Sipas njoftimit të autoriteteve kosovare, dyshohet se mjeti i dyshuar shpërthyes i hedhur në drejtim të zyrtarëve policor është shok-bombë.
“Me datë 02.04.2023 rreth orës 02:20, gjatë natës, në rrugën “Ivo Llola Ribar”, tek Qendra e kontrollimit teknik të automjeteve, në drejtim të zyrtarëve policor që ndodheshin në detyrë zyrtare (njësia në pikë statike), nga persona deri tani të panjohur është hedhur një mjet i dyshuar shpërthyes. Njësitet kompetente policore dhe krim teknika kanë dal në vendin e ngjarjes dhe kanë kryer procedurat e nevojshme të vend shikimit”, thuhet në njoftim.
Lidhur me rastin, u njoftua edhe Prokurori i shtetit, i cili urdhëroi nisjen e hetimeve për veprën penale “Sulm ndaj personit zyrtar”.
