Një shpërthim ka ndodhur në qendër të Athinës, pranë zyrave të kompanisë hekurudhore greke, Hellenic Train. Pamjet e kamerave të sigurisë kapën momentin e shpërthimit. Dyshohet se eksplozivi ishte vendosur në një çantë shpine, e cila ishte lënë jashtë zyrës, vonë të premten.
Policia tha se telefonata anonime u bënë në mediat greke duke paralajmëruar sulmin, i cili ndodhi pranë një prej rrugëve më të ngarkuara të kryeqytetit.
Nuk raportohet për viktima apo të lënduar. Ministri i Transportit i Greqisë, Christos Staikouras, e dënoi atë si një “akt criminal”, i cili “kishte rrezikuar jetën e njerëzve”. Mediat lokale të lajmeve si Efsyn dhe Zougla, morën nga një telefonatë që I njoftonte se pajisja shpërthyese ishte vendosur në një çantë shpine të mbyllur dhe vendosur në një skuter pa targa.
Një skuadër policore për asgjësimin e bombave mbërriti shumë vonë për të shpërthyer në mënyrë të sigurt pajisjen.
