Militantët talebanë kanë vrarë 8 pjesëtarë të forcave të sigurisë gjatë një sulmi në një pikë-kontrolli në provincën Balkh të Afganistanit.
Sipas zëdhënësit të policisë në këtë rajon, Adil Shah Adil, nga ky sulm mbetën të plagosur dhe pesë persona të tjerë.
Ndërkohë, deri më tani askush nuk e ka marrë përgjegjësinë e sulmit, por policia ka fajësuar talebanët. Policia është nisur nga fakti, se talebanët më herët kanë kryer një sërë sulmesh ndaj pikave të kontrollit të forcave të sigurisë.
Grupi militant ka shtuar sulmet ndaj forcave të sigurisë afgane pavarësisht bisedimeve që talebanët po i zhvillojnë me përfaqësuesin e SHBA-së, Zalmay Khalilzad, në përpjekje për arritjen e një marrëveshje paqeje që do të përfundonte luftën 17 vjeçare në Afganistan.
I dërguari i SHBA-së, Zalmay Khalilzad është shprehur se viti 2019 do të jetë “vit i paqes” për Afganistanin./ Opinion.al E.Xh.
