Dy shqiptarë janë sulmuar fizikisht në Mitrovicën e Veriut. Sipas mediave kosovare ata janë sulmuar nga një grup personash të maskuar teksa po ecnin në sheshin e qytetit.
Policia ka ndërhyrë për të shuar konfliktin, dhe 2 të rinjtë janë dërguar në spital për të marrë ndihmën e nevojshme mjekësore.
Fatmirësisht shqiptarët kanë pësuar lëndime të lehta trupore.
Kujtojmë se serbët në veri të Kosovës vijojnë sot ditën e katërt të protestave. Ata kundërshtojnë kryetarët shqiptarë të dalë nga zgjedhjet e jashtëzakonshme të 23 Prillit.
Këtë të enjte, në protestë dolën edhe një grup qytetarësh shqiptarë në Mitrovicën e Jugut.
Ata janë mbledhur pavarësisht kërkesës së Policisë së Kosovës që të mos i përgjigjen thirrjes së postuar në mediat sociale për “protestë dhe marshim drejt veriut”.
